Esti llibru componse d'una novela curtia, La Ergástula, y cuatru rellatos.
En La Ergástula, las presiones, esixencias y mancores de la vida llevan al suicidiu de Celia.
Una esistencia entermedia ente la muerte y un futuru inciertu llévanla a coñocere nel ciminteriu una riestra presonaxes que, vacios yá de sintimientos humanos, utilízanse pa reflesionare sobru las suas vidas.
La lúgubre ironía del llinguax descritivu usáu pula autora refuercia lu asurdu de la situación na que s'alcuentran los muertos mentantu asperan que Dalgien los saque del sou estáu.
L'ablucante final que deixa entrevere nun faz más que confirmare'l títulu ellexíu.
Nos rellatos, enclusu cunas torgas, lluchas y mancores de la sua andadura vital, los protagonistas añouran el retornu al entamu, onde tou yera posible purque la sua hestoria inda nun taba escrita.
|
